اقوى بيتزا فيكي يا عمان!
ما تفكّر كتير بالعشا يا غالي، البيتزا هي الخطة الوحيدة اللي بتحتاجها. سواء طافي عالطبخ، عامل بلوك لحياتك الاجتماعية، أو نفسك بشي مليان جبنة تقضي عليه، هالدليل رح يفرجيك أحسن أماكن البيتزا بالبلد.
يا زلمة، لو لسه مش مجرّب البيتزا الآرتيزان، اصحى من النوم! بيتزا نينا هو المكان اللي أحلام البيتزا بتصير فيه حقيقة. بيتزا صقلية بان مع عجينة ساور دو، لأنه مين بده شي عادي لما فيه هيك إشي زاكي؟ مكونات فريش مختارة بعناية لأنه الجودة عندهم ما فيها مزح.
لازم تجرّب: بيتزا بيبروني دبل أب
يا زلمة انسَ الدكتور النفسي, باتشي بيعالج مشاعرك بعجينة البيتزا. لما تكون الدنيا مكركبة معك أكتر من تطبيق مواعدة فاشل، عجينتهم القطنية هي الحل. مثالية لما الحياة بتصير رياضة خطرة وبتحتاج كارب سريع ينقذك.
لازم تجرّب: بيتزا نابوليتانا
نيدز بيتزا رح يكون أحلى شي على طاولة العشا. هالبيتزا مش بس شريحة هي حديث السهرة، هدنة للجدالات، وقنبلة نكهات. لما خالتك تبدأ النميمة وعمّك يفتح مواضيع سياسية، بتدخل هالبيتزا وتقول: "امسكوا صوص المارينارا." سميكة، مش خجولة، وأطرافها حادة أكتر من تعليقات العيلة.
لازم تجرّب: بيبروﻧﻲ سيسيليان
إذا الحجم بهّمك (وخلينا صريحين، بهّم)، ذا بيج سلايس هو المكان اللي تحقق فيه أحلام البيتزا العملاقة. مثالية لليالي الجمعة لما تكون هارب من العزايم وبدك إشي أكبر من مشاكلك.
لازم تجرّب: دجاج بيستو ألفريدو
هاي البيتزا الي بتطلبها بس تكون بدك تبهر ضيوفك - اشي فاخر على الاخر. مكونات بجودة عالية وخلطة نكهات رهيبة - رح تحس حالك بمطعم ٥ نجوم وانت قاعد على كنبايتك!
لازم تجرّب: بيتزا جبن الماعز
خفيفة، مليانة نكهة، وما بتخليك تحس بالذنب. بيتزا سكويرد هي خيارك لما بدك تدلع حالك من دون ما يزيد الوزن، أو لما ببساطة ما بدك تشارك.
لازم تجرّب: ترفلد مشرومز
فراتيلي فاهمك – بدك بيتزا تبهر اللي معك بس ما تبين إنك متكلف. بيتزا فرن حطب بمستوى راقي، مثالية لليالي الديت أو لما بدك تدلع حالك شوي.
لازم تجرّب: دجاج ألفريدو
توتيز هو الخيار الذهبي – كفاية راقي لتتباهى فيه، وكفاية بسيط لتاكله بالبيجاما. النكهات الفريش تبعتهم تخليك تمثل إنك بتحب الأكل الصحي وانت قاعد تستمتع بكل لقمة جبنة. مثالي للغدا، البرانش، أو لما بدك تثبت لصاحبك المهتم بالصحة إنه الأكل الفريش طعمه رهيب.
لازم تجرّب: بيتزا فونجي
إذا زهقت من الشرائح التقليدية، بيتزا باي هو الحل. البيتزا المحشية تبعتهم مليانة مفاجآت ونكهات تخلي كل لقمة أحسن من الثانية. زي ما بيقولوا: "المهم اللي جوّا مش اللي برّا"، صح؟
لازم تجرّب: فطيرة البيتزا بالدجاج
