اطيب اكلات للافطار!
رمضان مش بس صيام، هو موسم الأكل اللي عنجد بضل بالبال. بعد يوم طويل وأنت صايم، آخر شي بدك إياه وجبة عادية. بدك طلبية تفتح النفس، نكهة تخليك تسكت من كتر ما أنت مستمتع. عشان هيك، جبنالك أماكن الإفطار اللي بتوصلك أكلات من الآخر، وكل واحد فيهم عنده طبق يحكي لحاله.
منسف مش زي أي منسف، الجميد تقيل، اللحمة بلدية، والرز مفلفل عالآخر. ومو بس هيك، الطلبية بتوصل سخنة، والمقبلات معها بتغنيك عن أي شي تاني. إذا نفسك في إفطار أردني على أصوله، هاد هو العنوان.
صاجية لحم على أصولها، النكهة غنية والتوابل موزونة، وكل لقمة بتعيشك أجواء رمضان بكل تفاصيلها! اكلة بسيطة، تقليدية، ومليئة بالنكهات الخيالية - محبوبة لسبب!
المقلوبة إلها ناسها، و"تيتا رهيبة" عاملينها كأنها طالعة من مطبخ ستك, ريحتها لحالها بتحكيلك إنه في حدا طبخها بمحبة. بيتنجان محمر، رز معتّق بالبهارات، وقلب السدر لحاله. القعدة دافية وعائلية، والخدمة بتخليك تحس كأنك ضيف مكرّم مش زبون عادي. إفطار بسيط، أصيل، ونكهته بتضل معك لآخر رمضان.
إذا بدك طلبية تذوب بالتم، كتف الخروف عند "صوفيا" مش مزحة. مستوي عالنار بهداوة، اللحم بيذوب دوب، والبهارات التركية عاملة عمايلها. بتحس حالك باسطنبول بدون ما تطلع فيزا.
رمضان كله منسف وكباب؟ خلّص، غيّر جو وجرب السوشي والصيني من ساكورا. لفات موزونة، نكهات رايقة، وطلبية بتوصلك مرتبة وكأنها معمولة خصيصًا الك. إذا بدك إفطار مشبع وفخم، هون وصلت.
إذا بدك نكهات قوية وضربة بهارات هندية تزبط المزاج، لازم تطلب البرياني من تندوري أوفن. الرز مفلفل، اللحم مستوي تمام، والطعم؟ نار! والريحة لحالها حفلة.
التتبيلة مدخلة في العظم، ومستوي عالفحم لينشف صح من برّا ويظل طري من جوّا. الطلبية بتوصل بسرعة، والطعم؟ يجبرك تطلب زيادة.
رمضان كله طبخ ومناسف ومقلوبات؟ خلص، اعطِ أمك بريك وخدلك بيتزا صقلية من نينا. عجينة سميكة، جبنة سايحة، ونكهات بتوزّع عالطاولة. إفطار سريع، بشبِع، وبيغيّر الجو من أول لقمة.
الدجاج المشوي؟ انسَ العادي. هون التتبيلة خيال، الجلد مقرمش، واللحم طري، والصوص بياخذك لمستوى ثاني. بتحبها سبايسي؟ خفيفة؟ بعملولك اياها زي ما بدك وزيادة.
بدك بيتزا بس خايف من تأنيب الضمير؟ ولا يهمك، عجينتهم صحية ومعمولة بالبيت، يعني بتاكل براحتك وبدون ندم. واللُقطة؟ العرض اللي بيجمّع الكل، 3 بيتزات، 3 صوصات، وحلويات، عشان ما يبلّش حدا ينقّ على الاختيار. إفطار خفيف عالبطن، تقيل بالطعم، وبيختفي عن الطاولة أسرع من مدفع المغرب!
مش أي بوكس، ومش أي شاورما! "بوكس برايز" من شنب شاورما بيجمع كل النكهات الصح بمكان واحد – دجاج مدخن، بطاطا مقرمشة، وصوصات بتغمّس فيها بدون ما تزهق. لقمة ورا لقمة، والطعم بيظل راكب معك للآخر. إفطار سريع، مليان نكهة، بس انتبه، الطعم نار، والعطش بعده مضمون! فاشرب مي منيح قبل الفجر، ولا تلوم إلا حالك!
رمضان يعني جمعة، وجاط كبابجي بيضمن إنه الكل يلاقي شي ياكله – كباب حلبي، شيش طاووق، شقف، تبولة، وحمص.السفرة بتعبي، والطلبية بتوصلك سخنة كأنها طالعة من المنقل.
ضل جوعان...
وجبتك جاهزة، وينك عنها؟
