سحور مميز مع biteME!
إذا انت من النوع اللي بفكر بالأكل وهو لسا شبعان، أو بتبلش تخطط شو رح تفطر وانت لسا ما تسحرت، فهالمقالة معمولة عشانك. رح نحكي عن طلبات بتخليك تسأل حالك: “ليش لسا ما طلبت؟”
هاي مش أي بيتزا… هاي البيتزا اللي أول ما تمسكها الجبنة بتمط مترين، وانت واقف محتار: أعضها؟ أقطعها؟ ولا أعمللها فوتوشوت؟ عجينة خفيفة، صوص بندورة كأنهم طحنوا كل البندورة بالعالم، وجبنة بوفالا بتسيح بطريقة تخليك تفقد الإحساس بالواقع.
صباحك ناقصه طاقة؟ بدك سحور يشبع وما يخليك تشوف كوابيس الجوع؟ هاد هو الخيار الذهبي. مافن طري + أفوكادو كريمي + شعور إنك إنسان صحي (حتى لو ما كنت).
فاتح للساعة: ٥:٠٠
ساندويش دجاج محترم، قطعة دجاج جنبها، ومبدأياً، أكلك رح يكون مثالي إذا ما كنت مخطط تشاركه. لأنه حرفياً كل لقمة بتقنعك تبلع بدون ما توقف. لو كنت من جماعة “بدي دجاج بس بدي زيادة”، هاي اسمها وجبة أحلامك.
فاتح للساعة: ٤:٠٠
مش برغر، هاي حفلة نكهات. ٨٠ غرام لحم أسترالي، مربى بيكون (آه، مربى بيكون… إحنا مش غلطانين)، بشراب القيقب والقهوة والسكر البني. الجبنة الأميركية داخلة بالجو، البصل عم يعمل شغله، وصوص الرانش قاعد يتفرج عليك وانت بتسأل نفسك: “ليش لسا ما جربته؟”
فاتح للساعة: ٥:٠٠
للي بحب البرغر بس بحب الفخامة كمان. مشروم + لحم + خبز طري = تجربة بتدوب بالتم أسرع من إرادتك لما تكون ناوي تبدأ دايت. كل لقمة بتحسها إعلان برجر بس بالواقع !
فاتح للساعة: ٦:٠٠
إذا بتحب الساندويشات اللي بتحس حالك بتاكل شي فاخر بس بنفس الوقت “بدون فزلكة”، فهذا هو خيارك. روست بيف طري، خس مقرمش، بندورة كرزية (مش البندورة العادية اللي مالها طعمة)، ومايونيز بيحسسك إنه الحياة أبسط مما توقعت.
بيض بوشيه وأفوكادو، يعني إذا بدك تتسحر بفخامة وتشبع بس بنفس الوقت تحس حالك إنسان صحي ومحترم، هذا هو خيارك. كل لقمة بتحسها “براانش” مو بس فطور، وبنفس الوقت، مغذي وكأنك لاعب رياضة (حتى لو مش لاعب).
فاتح للساعة: ٢:٠٠
هاي البيتزا اللي أول ما تشوفها بتحسها عادية، بس أول لقمة بتغير رأيك بالحياة. نقانق إيطالية بتوخذك برحلة لأوروبا، فلفل حلو داخل جو، وبصل متوزع صح… ما في ولا طعمة زايدة، كل شي بمحله.
فاتح للساعة: ٣:٠٠
هاي مش مجرد برغر، هاي اختبار للشخصية… إذا كنت بتاكلها بلقمتين، إنت خطر على المجتمع. دبل لحم، دبل متعة، دبل “واااو”. هاي البرغر اللي لما تمسكها بتحس حالك دخلت فيلم أمريكي، مع الفرق إنك رح تنهيها أسرع من مدة الفيلم.
فاتح للساعة: ٤:١٥
١٢ قطعة سوشي… يعني هاي مش وجبة، هاي طقوس. بتحس حالك لازم تصورها قبل ما تاكل، وبعد أول قطعة، بتنسى كل شي وبتغوص. كل لقمة كأنها توصيلة على طوكيو بدون فيزا، بس طبعاً التوصيلة على حسابك!
فاتح للساعة: ١:٠٠
ضل جوعان...
الطريق للافطار طويل - جهز حالك!
